Страница Балганым Орынбек ВКонтакте

Болса да бөгет мың мейлі,
Бақытын әркім іздейді.
Ақ жүрек таза пәк көңіл,
Сонымен әлем гүлдейді!
Жүйріктер жоққа жетпейді,
Бұйырған қашып кетпейді.
Ынтызар болсан егер шын,
Ішінді жылу өртейді.

Аққу қаз ұшып қонбаса,
Көлінде ажар болар ма?!
Ғашықтар бірге болмаса
Жалғанға көңіл толар ма?!

****
Тағдыр жолы бұралаң,
Сол жолда жүр мың адам.
Мың бірінші болып мынау өмірге
Келгеніме қуанам!

*****
Таудағы сұлу шынармын,
Таудағы сұлу шынармын.
Құлай сүюден сені,өмір,
Шаршамайтын да шығармын!

********

Мендегі жүрек

Адамдардың адалдығын тілегін,
Бүгін - барсың, ертең - жоқсың.Білемін.
Жығылуға болмайтынын әзірге
Ұмытпашы, менің жалғыз Жүрегім!

Үлпілдек жаным менің,
Түспеші әбігерге,
Жердегі бұл ауруды
Жазбайды дәрігер де.

Адамның ақылының
"асқаны" - мұңды-ы-ы сурет!
О,мендік титтәй жүрек
Шаншыды тұңғыш рет.

Заңы ма тіршіліктің,
Маған бұл ұнамайды:
Адамдар жүрегінен-
Жағдайын сұрамайды.

**********
Ізгілік, жер бетінде-
барсың сен. Сезіп тұрмын.
Қатыгез дүниеге
Әзірше төзіп тұрмын....

****
Жылдарға ұшып барам мен,
Қатігез мына заманмен,
Күркіреп жатқан көкейде
Бір емес, мың-мың сауалмен.

Жылдарға ұшып барам мен,
Адаммен, көп-көп адаммен.
О, менің әппақ жүрегім,
Сендегі титтей алаумен.

*****
Мен- жақсымын. Біреулерге жаманмын.
Қас-қабағын ұққым кеп жүр заманның.
Аппақ, аппақ жүрегім бар ай сынды,
Өзгешелік: Ай емеспін, Адаммын!

Жігер мен бақыт -бір дегендігім,
Тірлікті тұнған жыр дегендігім.
...Сендегі ашшы ғашықтықты өмір,
Жақсы -ау еді көрмендігім?!....

Ақ жаңбырлар селдетіп, тойлайды қыр,
Мен жадырап кетпедім жазғалы жыр.
Жабысып-ап сонша мұң жүрегіме
Жанымды жабырқатып қойғалы жүр.

******
Білесің бе,сағынышсыз
Мұңдарыңның мұң емесін.
Егер шындап сүйе алмасаң
Өмірдің де шын емесін.